From Milwaukee

Harry Potter eta suzko kaliza

2005-11-23T01:43:00.000-06:00

Asko gustatu zitzaidan pelikula; oso gomendagarria. Ez dut pelikulari buruz ezer argitu nahi, denok ikustera joango zaretela espero bait dut.

Hori bai, arrazoiez igo dute ikustera joateko behar den gutxienezko adina zazpitik hamahiru urtetara. Harry Potter nagusiago egiten ari da eta kamiseta gabe bainu bat hartzen agertu zenean, zinean zeuden “High School” (instituto)-ko neska guztiak txilioka hasi ziren. Harry Potter nagusi egiten ari da eta hori pelikulan ere nabaritzen da... :)

2005-11-23T01:42:00.000-06:00

Harry Potter nerabetuta

News 1

2005-11-22T23:22:00.000-06:00

Konturatu naiz Milwaukee-n izaten ditugun berriak, Euskal Herrikoen oso ezberdinak direla eta blog honen bitartez ez naizela diferentzi hauek ondo erakusten ari. Beraz hurrengo asteetan sortzen diren berrietariko batzuk idaztea erabaki dut. Hauek “News” izenburua edukiko dute.

Lehenengo berria, aurreko astekoa da: hegazkin arin edo “abioneta” bat jauzi zen Milwaukee-ko ekialdean. Ekialdean dago Wisconsin University-a eta baita hiriko diskotekarik onenetarikoak. Egun hartan haize bolada itzela zebilen eta hegazkina, lur hartzen saiatzen zebilela, argindarraren kable batzuekin egin zuen topo.

Argazkia berrietan ikusi ahal izan genuena da (ez nuen nik hartu) eta jakin deizuela pilotua bizirik eta sano atera ahal izan zutela. Hori bai, 10.000 pertsona inguru argi gabe geratu ziren ordu batzuetarako.

2005-11-22T23:07:00.000-06:00

Hegazkina Milwaukee-ko "East Side"-en

Edurra teilatuan... 2

2005-11-18T00:33:00.000-06:00

Atzoko eguna, azken 100 urteetan Milwaukee-k izan duen Azaroak 27rik hotzena izan da. Gaur goizeko zortzi t’erdietan aireportura nindoala, bederatzi gradu zero azpitik egiten zituen, baina sentsazio termikoa -12 gradu ingurukoa zen (zero azpitik!!!).

Bide batez, gaur inperioaren kapitaletik ari nahiz idazten (Washington D.C.). Hemen ez du horrenbeste hotzik egiten eta ezagunentzat, esan beharra daukat oso ondo pasa dudala gaurko eguna eta oso produktiboa izan dela. Bihar goizean lagun batek Kapitolioa erakutsi behar dit, beraz ohera noa lehen bait lehen. Gabon!

Edurra teilatuan...

2005-11-17T01:33:00.000-06:00

Sei gradu zero azpitik, eta edurra hasi da Milwaukee-n. Ameriketako udak beti usai berezi bat izan duela pentsatu izan dut eta orain berdina diot neguaz: gaur, aurreko negutik usaindu gabe neukan usain berezi bat igarri dut. Isaac Asimov-ek zihoen bezala, suposatzen dut planeta bakoitzak usai ezberdin bat duela...

Nik nire “puf”-a eta beste erropa piloa gain jarrita, korrika egitera joatea erabaki dut. Baina txarrena ez da hotza, izotza baizik: atzo potzuak zirenak, gaur izotza dira. Eta korrikan joanda, kontuz ibili behar!

Bike-a-thon

2005-11-06T15:14:00.000-06:00

Ameriketara lehen aldiz datorren pertsona asko harrituko da hemen dagoen aktibismo sozialaz. ESTEko ikasleen artean bolondres gisa oso jende gutxi dabilen bitartean, Marquette-en ikaslez osatutako asoziazio asko daude.

Gaur adibidez, 24 orduko “bizikle-toia” antolatu du energia garbien aldeko taldeak. Bizikleta bat dinamo bati konektatu, unibertsitate erdian jarri eta pedalei ematen jarri dira. Jasotako energiarekin irrati bat eta bonbila bat pizten dituzte.

Objetiboa eskumuturreko bandak saltzea da, dirua jaso ahal izateko. 20.000 dolar behar dituzte Marquette-ek urtebetean kontsumitzen duen energiaren ehuneko hirua parke eoliko batetik etor dadin.

Ideia oso ona iruditu zait; ea guk, Euskadiko ikasleok, zehozer ikasten dugun...

P.S.: Beste bi dolarrengatik, oso kontsumo efizientea duen bonbila bat erosi ahal izan dut baita.

Canadian trip

2005-11-04T00:03:00.000-06:00

Kanadako bidaia kristona izan zan!

Argazkian ikusi dezakezue gure taldea: Donostiako bi, alemana bat, hiru amerikar eta Korea Hegoaldeko bat. Zazpiok mini-van batetan sartu eta Niagarako ur-jauzietara joan ginen, gidatzen 12 ordu egin ondoren.

Argazkietan ikusi daitekeen bezala, ur-jauzien ondoren dauden ur-bizkorretan sartu ginen “txalupatxo” hortan. Lehenengo lerroa utzik dago eta ni bigarren lerroko ezkerrean agertzen den pertsonatxo hori naiz.

Txalupatxoa urez betetzen da eta igerileku batetan zaudela dirudi (kaskua airez beteta dagoelako flotatzen du). Ezin dezaket azaldu zenbat eta zenbat ur jausten zaizun gainera: aldeetatik, goitik, behetik, sudurretik, ahotik,...

Espero baino ur gehiago eta hori bai, gu urriaren bukaeran joan behar ginen; azkeneko astea zen, hurrengotik aurrera ura hotzegi dagoela kontsideratzen bait dute!

2005-11-04T00:02:00.000-06:00

Pablo, Susanne, Renee, Min, Jenny, Jon eta Anna

2005-11-04T00:01:00.000-06:00

Bigarren lerrokoa (lehenengoan ez da inor ikusten), ezkerrean, ni naiz.

Rosa Parks hil zan

2005-11-03T02:19:00.000-06:00

Ez nuen izan denborarik hemen komentatzeko, baina behintzat hitz pare bat esan nahi nituzke Rosa Parks-en heriotza dela eta. 1955eko abenduaren 1ean lanetik bueltan etxera zihoanean, autobuseko aulkia gizon zuri bati ez ustea erabaki zuen. Orduan legeak zihoen zuriek preferentzia zutela eta beltzek eserlekuak utzi behar zizkietela.

Parks ez zen beltzen mugimenduen lider bat izan, ez behintzat modu tradizionalean ulertzen dugun bezala. Segregazioaz aspertuta zegoen soilik eta erabaki zuen ez zuela zertan besaulkiz aldatu. Eta horrela hasi ziren horren ezagunak egin ziren 55eko errebuelta eta mugimenduak, legearen inkonstituzionalidade deklarazioaz bukatuko zirenak.

Admirazioz, agur bat Rosa Parks-i. Eta baita mundutik dabiltzan Rosa Parks moderno guztiei.

2005-11-03T02:18:00.000-06:00

Rosa Parks

Hegazkin supersonikoa

2005-10-20T00:04:00.000-05:00

Azkeneko hilabeteotan hegazkin mordoxka bat hartu behar izan dudanez, aukera izan dut Iberia-ren teknologia berriak ikusteko. Telebistan aldarrikatzen duten lehen klase berriaz gain (bide batez, esan beharra dago lehen klase berri hau oso ondo dagoela; aulkiek masajeak eta guzti ematen dizkizute!) beste gauza bat deskubritu dut:

Kamera bat jarri diote Airbus A-340 haundi eta berrienen aletari. Hauek munduko hegazkin luzeenak dira (berehala konturatzen zara lehen aldiz sartzean) eta kameraren bidez, zu barruan zaudela, kanpoan gertatzen ari denaz konturatu zaitezke, telebisten bidez.

Aireportutik nola “taxi”-tzen zaituzten ikusi dezakezu eta egia esan oso inbento polita iruditu zitzaidan.

2005-10-20T00:03:00.000-05:00

2005-10-20T00:02:00.000-05:00

Pablo eta ni, ez aspertzearren argazkiak ateratzen...

2005-10-20T00:01:00.000-05:00

Back to the blog

2005-10-19T16:18:00.000-05:00

Ausentzia luze baten ondoren, bueltan nator blog-era. Denbora hontan oporrak, Kalifornia, hirugarren semestrearen hasiera, Ekonometria, Errebalida eta beste batzuk pasa dira.

Garai estresanteak izan dira eta horregatik ez dut denborarik izan hemen idazteko, baina espero dut hemendik aurrera denbora pixkat geixeago izatea. Beno, hurrengo egunotan ezinezkoa izango da, Kanadara bait noa gaur gauean, hemengo “Fall Break”-a pasatzera.

Fall Break-a ikasleek izaten duten deskantsu moduko bat da, abuztutik abendura doan semestrearen erdialdean. Beraz hemendik bost egunetara bueltatuko naiz berri gehiagorekin...

2005-10-19T16:17:00.000-05:00

Ongietorri bueltan Jon!

Kaliforniara!

2005-07-02T13:00:00.000-05:00

Gaur Kaliforniara noa!

Oraingoan hegazkinez noa Pablo-rekin. Milwaukee-tik Denver-era eta Denver-etik Las Vegas-era. Han egun pare bat egon ondoren, kotxe bat alokatu eta bidaia guztiz lotu gabe daukagun arren, gure plana hurrengoa da: Las Vegas – Grand Canion – San Diego – Los Angeles – Yosemite – San Francisco.

Guztia 13 egunetan, beraz portzentaia dexente bat autoan pasako dugu. Irrikitan nago bidaia egiteko...

Ondorioz, ezin izango dut gehiago blog hontan idatzi. Uztailak 15ean bueltatu eta 16an Mark Knopfler- en kontzertu bat daukagu Milwaukeen. 17an Donostirantz irten eta 18an helduko naiz.

Beraz ondo pasa denok uztail-abuztuko oporraldia, eta bueltan izango nauzue abuztu bukaeran. Klaseak 29an hasten ditut. Besarkada handi bat eta muxu piloa!

Talde aurkezpenak

2005-07-01T16:15:00.000-05:00

ESTE-n oso ohituta gaude talde aurkezpenak egitera. Hemengo MBA-n ere askotan egin behar izan ditugu aurkezpenak eta beraz amerikar talde batekin lan egiteko eta aurkezteko aukera izan dut.

Ezberdintasun asko daude kultura aldetik, baina gehien atentzioa deitu didana hau izan da: lana, beti gertatzen den moduan, taldekideen artean banatzen dugu. Ondoren, aurkezteko orduan, normalean, gutxi gora behera bakoitzak gertatutakoa aurkezten du. Beno, hemen oso zorrotzak dira horrekin eta bakoitzak zehazki gertatu duena aurkezten du. Eta atentzioa deitzen nauena da denek, hitz egiterakoan “nik” esaten dutela “guk” beharrean: “nik egin dudan ikerketaren arabera...”, “ni leku hontara joan nintzenean...”, “ni, ni, ni...”.

Hasieran oso bortitza egiten zitzaidan eta esan beharra daukat oraindik ohitu ez naizela. Hori bai, badirudi neskek gutxiago esaten dutela “ni” eta gehiago “gu”.

Argazkian, ni, Pablo eta Nick, aurreko semestreko nire lan taldea Organizational Behavior-eko klasean.

Nip Tuck and Desperate Housewives

2005-06-30T23:09:00.000-05:00

Uste dut Euskal Herrian bi amerikar serie ikusi daitezkeela, bata Euskal Telebistan eta bestea TVE-en.

Nip Tuck oso arrakastatsua izan zen Ameriketan hasieran. Ni serie berri hau hasi zenean Ipar Carolina-n negoen eta lehenengo pasarteak asko gustatu zitzaizkidan. Orain bueltan etorri naizenean ez zait horren ona iruditzen, baina esan bezala, nik uste lehenengo pasarteak oso onak zirela. Kalifornia-ko bi zirujau plastikoren bizitzari buruzkoa da eta operazioak zuzenean ikusteko aukera da seriearen gauzarik deigarriena. Aukera izanez gero behin edo ikustea gomendatzen dizuet.

Desperate Housewives, oso arrakastatsua da orain bertan Ameriketan. Nip Tuck-ek indarra galdu zuen bitartean, serie hau bere momentu gorenean dago hemen eta jarraitzaile fidel asko ditu. Nik aitortu beharra daukat behin ere ikusi ez dudala, baina ezagutzen ditudan neska guztiek jarraitzen dute. Etxekoandre amerikar batzuen bizitzari buruz da eta egoera batzuk nahiko surrealistak ei diren arren, nik uste amerikar bizitzaren argazki interesgarri bat erakusten duela.

Ban on flag-burning

2005-06-24T02:13:00.000-05:00

Barkatu, barkatu, barkatu. Barkatu gehiago hemen ez idaztearren, baina aste guzti bat haginetako min jasanezin batekin pasa ondoren, lan asko izan dut unibertsitatean; eta gainera, bizi ere bizi behar da. ;)

CNN-en izan dut lehenengo aldiz “amendement” honi buruz berri: Ameriketako kongresuak onartu berri du legez kontrakoa izango dela amerikar bandera erretzea. Orain arte behin baino gehiagotan saiatu dira, batez ere errepublikanoen lidergopean, lege hau aurrera ateratzen.

Baina epai gorenak beti atzera bota izan du legea, antikonstituzionala dela esanez: konstituzioak espresatzeko eskubide osoa defendatzen du, inori kalte egiten ez diozun bitartean. Beraz zein da irtenbidea? Konstituzioa aldatu eta listo. Amerikarrak beti izan dira oso praktikoak...

Harritu nauena izan da Hillary Clinton lege onen aurka agertu izana. Bere ustez, konstituzio aldaketak gauza askoz garrantzitsuetarako behar lukete erreserbatuta.

2005-06-24T02:12:00.000-05:00

Lactivism

2005-06-09T23:32:00.000-05:00

Barbara Walters, abc telebista katean programa arrakastatsu bat aurkezten duen emakume oso ezagun bat da. Dirudienez, 60. hamarkadatik izan diren presidente amerikar guztiak elkarrizketatu ditu.

Duela egun batzuk, hegazkin baten zihoala, bere ondoan zegoen emakume bat bularra ematen hasi zitzaion haur txiki bati. Bere programara heldu zenean, istorioa kontatu eta nazkagarria iruditu zitzaiola esan zuen.

Bere ikusle fidelak traizionatuta sentitu dira eta herriarengandik urrundu dela uste dute. Beraz haur txikiak dituzten emakumeak, hauei bularra ematea joan dira abc-ren egoitza zentralera. Eta mugimendu berri honi izen bat jarri diete: lactivism (edo “laktibismoa”); hau da umeei bularra emateko eskubidea defendatzen duten amen mugimendua. Ni jada egin naiz “laktibista”.

2005-06-09T23:31:00.000-05:00

Barbara Walters

Happy Birthday!

2005-06-08T23:02:00.000-05:00

Ekainak 5-ean, igandea, nire urtebetetzea izan zen. Joxe osabak jakinerazi zidan bezala, etiam-ek 35 urte betetzen zituen egun berean betetzen nituen nik 24. Etxetik urrun eta lagun gehienak joanda zeudela, telefonoan pasa nuen egunaren hasiera. Ondoren eguzkia hartzera. Mmmmm... hura izan zen goxoena. Afaria ordu amerikarrean hartzera joan ginen. Global Village-en zeuden bi lagun bakarrei espien jatetxe batera gonbidatu nituen. Oso dibertigarria izan zen; batez ere sarrerako atea aurkitzea.

Eta gaua heltzerakoan, ez dakit nondik agertu ziren beste sei pertsona, pastel eta guzti. 24 kandela! Denak itzali nituen lehenengoan. Ea desioa betetzen zaidan. Eskerrik asko Laura, Pablo, Diego, Ana, Teresa eta... seigarrenaren izenaz ez naiz oroitzen... Sorpresa ederra eman zenidaten.

Eskerrik asko ere dei eta mail guztiengatik. Eskerrik asko Larra, PowerPoint-a denen izenean prestatzearren (ilusiño asko in zuzten!). Eskerrik asko ama eta aita hor izatearren. Beno, eskerrik asko denoi. Muxu handi bat.

2005-06-08T23:01:00.000-05:00

Ni neu, ekarri zidaten pastelarekin eta egin zidaten kartelarekin

2005-06-08T23:00:00.000-05:00

Ni pastela mozten

Apple

2005-05-28T12:50:00.000-05:00

Atzo amestu nuen Silicon Valley bisitatzen ari nintzela eta nire lagun batek Apple-en lan egiten zuenez, enpresa barrutik ikusteko aukera nuela.

Gonbidatuen etiketak sarreran inprimatu, kamisetan jarri eta informatikaren mekan sartzen nintzen. Barruan zelai handiak zeuden eta jende arraro pilo bat ari zen alde batetik bestera euren iPod-ekin.

Kafetegian sartu eta Mac-hanburgesa bat aukeratzen nuen, aukera nahiko handi baten artetik: janari mexikarra, japoniarra, entsaladak, pizzak, ...

Tipo bat gona batekin zetorren, beste batek kaleko eskale bat zirudien, hirugarren batek ile zuri luzea zeukan,... atmosfera oso kreatiboa. Eraikin politak, estetika erakargarria, eguzkia zeruan eta jende jatorra eta irekia.

Ups! Baina ez zen amets bat izan... Horrelaxe gertatu zitzaidan. Ea laster horrelako beste ametsen bat izaten dudan...

2005-05-28T12:49:00.002-05:00

Ni neu

2005-05-28T12:49:00.001-05:00

Apple-en sarreran

2005-05-28T12:49:00.000-05:00

Apple-en sartzen lagundu zigun laguna

In-N-Out

2005-05-27T14:41:00.000-05:00

April nire lagunak nitaz barre egiten du, ari naizelako esaten hiru mila kilometro baino gehiago gidatu ondoren, aurkitu dudan gauza ikaragarriena In-N-Out dela.

Barre egiten du, In-N-Out fast-food kate bat delako, hanburgesak eta patatak saltzen dituena. Baina... negozio oso berezi bat da nire ustez eta dudarik gabe fenomeno bat Kalifornian (Arizona eta Nevadan operatzen dute baita).

Non dagoen ezberdintasuna? Lehenengo eta behin jendeari asko gustatzen zaizkie euren hanburgesak. Era “naturalagoan” daude eginak eta produktuek freskoagoak dirudite. Patatei adibidez zure aurrean kentzen dizkiete azala eta mozten dituzte oso kuriosoa den makina manual batekin. Packaging-ean ere ez dute plastikorik erabiltzen eta paper gutxiago erabiltzen saiatzen dira.

Eta niretzat onena: jokabide oso etikoa dute. Adibidez, munduko “janari-azkar” kateen artean, bere langileak hobeto ordaintzen duen enpresa da mundu mailan (McDonald’s-en bikoitza ordaintzen dute). Gestioa modu etikoan egiteko apustu gogorra egin dute.

Nik urte hontako In-N-Out kamiseta erosi dut.

2005-05-27T14:40:00.002-05:00

Mmmmm, zelako ona!!!!!

2005-05-27T14:40:00.001-05:00

Sarrera

2005-05-27T14:40:00.000-05:00

Errepidetik ikusten den seinalea

2005-05-27T14:38:00.000-05:00

Ogia jan ezin dutenentzat, hanburgesa letxuga artean biltzen dute

Santa Clara-tik bueltan

2005-05-25T23:43:00.000-05:00

Energia pilo batekin bueltatu naiz Santa Clara-tik. Udaberriko eta udako semestreen arteko aste beteko oporraldia aprobetxatuz joan naiz lagun batzuk bisitatzera Kalifornia aldera.

Baina heldu eta energia guztiak joan zaizkit. Nire programa nahiko berezia da, eta gainera, ni “graduate” izan arren, nire lagun eta pisukide guztiak “undergraduate” programakoak dira. Beraz maiatza helduta, kanpusa hustu egiten da eta ikasle guztiak etxera bueltatzen dira, ni bezalako salbuespen txiki batzuk izan ezik.

Heldutasunaren bilaketan atzerapausu ikaragarri bat onartuz eta malkoetan bustiz, agur esaten ari gara egunero, goizez eta arratsaldez, “cry-baby”-ak bezala. Apartamentuek inoiz baino bakartiagoak dirudite eta isiltasunaren oihuak dira orain loa kentzen digutenak.

Poetikoa geratu zait, baina Milwaukee-n, Arrasaten edo Bilbon izanda, badirudi agurrak agur direla eta hortan behintzat, ez dagoela ezberdintasun handirik. Bihar egun berri bat izango da eta jarraituko dut komeria alaiagoak hemen kontatzen; gaur hausnarketarako eguna da. Muxu bat.

Azterketa bat bakarrik gelditzen zait!

2005-05-13T15:23:00.000-05:00

Azterketa bat bakarrik gelditzen zait!
Spring-eko seihilekoa amaitzear dago Marquette-en. Urtea bi seihilekotan banatzen dute hemen: abuztutik abendura Fall (udazkena) seihilekoa da eta urtarriletik maiatzera Spring (udaberria) seihilekoa. Bien artean, Summer (uda) seihilekoa egin daiteke, baina ikasle gehienek uda oporrak hartzeko edo lan egiteko erabiltzen dute.

Ni egiten ari naizen MBA-a part-time da. Honek esan nahi du nire ikaskideek egunez lan egiten dutela eta ondoren, arratsaldeko bostetan, astean behin edo birritan klasera joaten direla. Baina ni full-time ikaslea naiz, beraz astean lau ikasgai dauzkat.

Honen ondorioz ez dituzte azterketak planifikatzen eta nik pilo bat eduki ditut aste hontan. Baina ez azterketak bakarrik: lanak, aurkezpenak, ... Bihar daukat azkenengo azterketa. Bai, bihar larunbata. Goizeko 8etan...

Eta ondoren... bukatu da lehenengo sehilekoa!

2005-05-13T15:22:00.000-05:00

Ken eta Greg, pisukideak, etxeko egongelan ikasten goizeko ordubietan.

Diet Cherry Vanilla Dr (Doctor) Pepper

2005-05-05T20:33:00.000-05:00

Pepsi ez zait inoiz gehiegi gustatu, baina beti izan naiz ideleojikoki Coca-Cola Company-ren aurka. Horregatik hona heltzean, Dr Pepper (diet) kontsumitzera pasatu nintzen; bi kondizio garrantzitsu betetzen ditu: zaporea gustatzen zait eta ez da Coca-Cola.

Amerikan, aukeren herrialdean, edari guztiek mila bariante dauzkate: vanilla, lime, light, diet, kafeina gabe, cherry, wild, ... Honen ondorioz arazoak sortzen hasi dira lineal-etan, bariante guztiak ez bait dira supermerkatuen apaletan sartzen.

Dr Pepper -en erantzuna, bariante garrantzitsuenen nahasketa bat egitea eta marketing kanpaina gogor batekin merkaturatzea izan da: Diet, kaloria gabe; Cherry, ukitu basati batekin; Vanilla, zapore goxoagoa ematen diona; eta noski Dr Pepper-en zapore berezi basikoa.

Nire epaia? Diet Dr Pepper-en oso antzerakoa da, beraz gustatzen zait; baina horregatik ere, ez du diferentziatzerik lortu. Kolorea ere ez da hain ona... Kalimotxoa dirudi...

2005-05-05T20:32:00.000-05:00

Diet Cherry Vanilla Dr Pepper!

TV Dinner

2005-04-30T13:50:00.000-05:00

Ni moduko alferrenentzat amerikarrek kontzeptu interesgarri bat asmatu zuten duela urte batzuk: TV Dinner. Horrela deitzen saio aurrez prestatu eta izoztutako afariari. Mota ezberdinetakoak daude, baina funtsean, zuzenean mikrohuinean sartu daitekeen erretilu edo bandeja bat da, telebistaren aurrean jan ahal izateko.

Wal-Mart-ek, nola ez, kontzeptu hau muturreraino eraman du eta $ 1,00-egatik saltzen ditu afaltzeko erretilu hauek. Honi buruz jakin nuenean, ezin izan nion tentazioari eutsi eta dastatzea erabaki nuen: oilasko “nugget”-ak, patata frijituak eta artoa zuen bat aukeratu nuen.

3 pausu erraz dira: kaxatik atera, mikrohuinean sartu eta jan!

P.S.: Nire jarrera oso positiboa zen arren, ezin dezaket esan asko gustatu zitzaidanik... :(

2005-04-30T13:49:00.000-05:00

1. Kaxatik atera

2005-04-30T13:48:00.001-05:00

2. Mikrohuinean sartu

2005-04-30T13:48:00.000-05:00

3. Listo!

E-posta?

2005-04-29T23:50:00.000-05:00

Seguruenik oraindik inor konturatu ez den arren, postalak egin eta saltzen dituztenei konpetentzia izugarria jaio zaie. Hemen behintzat (Estatu Batuetan), Wallgreen’s edo CVS guztiek dute momentuan argazkiak inprimatzeko makina bat. Eta denda hauek nonahi daudenez, 28 cent-gatik segundu gutxi batzuen buruan izan dezakezu argazkia errebelatua.

Chicagon nengoela Segway bat ikusi eta korrikan abiatu nintzen bere gidariarekin argazki bat ateratzea. Segway-arekin izan nuen idilio zapuztua kontatzeak ez du pena merezi orain, baina gauza da lehenengo aldia zela horrelako bat ukitzeko aukera nuena. Beraz argazkia atera, errepidean beste aldean zegoen CVS-era joan, argazki makinaren flash memoria makinan sartu eta... gertu! Banuen nire postal pertsonalizatua. Textua idatzi, zigilua itsatsi eta guraso, arreba eta koinatuari bidali.

2005-04-29T23:49:00.000-05:00

Jon eta Segway-a

Washington eta Einstein

2005-04-28T01:54:00.000-05:00

Washington-ek badu ezkutuan gordetzen duen altxor bat. Ez da turismoko gidatan agertzen eta nahiko zentrikoki kokatua dagoen arren, parkeko zuhaitz eta bestelako zuhaixkek estaltzen dutenez, oso zaila da aurkitzea, haren bila ez bazabiltza.

Harri bitxi hau, historiako pentsalari handienetariko baten estatua bat da, Einstein-ena hain zuzen. Ratzinger-ek hain gogor kritikatu duen relatibismoaren zoramenari hasiera eman zion 1905an aurkeztutako 3 artikulu zoragarrirekin. Benetan miresten dut tipoa, eta are gehiago orain, ez dakit zenbat garren aldiz bere biografia berri bat irakurtzen ari naiz eta.

Bide batez, Javier Ortiz-ek artez azaldu zuen bezala, Ratzinger-en “erlatibismoaren diktadura” esaldia bera kontraesan bat da, diktadura bat berez absolutista izango bait zen...

2005-04-28T01:53:00.000-05:00

Jon Einstein-en magalean

Heldu da udaberria

2005-04-27T12:04:00.000-05:00

Aurreko batean komentatu nuen blog honetan ez nuela klaseei buruz hitz egin nahi, eta nire itzuleran, liburutegiko argazki bat jartzen dut...

Ba hori konpontzeko, hona hemen duela aste pare bat ateratako argazki batzuk, eguzkia egiten hasi zuenean. Lakuraino joan ginen ibiltzen eta han ondoan dagoen parke batean ibili ginen futbol amerikarrean eta frisbi-arekin jolasten.

A! Ez ilusiorik egin: duela bi egun tenperaturak zero azpitik jaitsi eta berriro hasi zuen edurra...

2005-04-27T12:03:00.000-05:00

Jon parkean

2005-04-27T12:02:00.000-05:00

Megan eta Jon, Calatrava-ren museoaren aurrean, laku ondoan

2005-04-27T12:01:00.000-05:00

Jose, Peter, Megan, Marcus, April eta Ana, bata besteari masaje bat ematen

Bueltatu naz!

2005-04-26T21:08:00.000-05:00

Blog-etik denbora pila bat deskonektatuta egon ondoren, berriro ere idazten hasteko apustua egin diot nire buruari. Beraz hemen naiz, jaso ditudan presioen aurrean amore ematen.

Nire defentsan esan nahi dut Washington-etik etorri nintzenetik oso lanpetuta ibili naizela eta ezertarako denborarik izan ez dudala. Gainera, zenbat eta denbora gehiago pasa hemen, are eta murgilduago nago Milwaukee-ko bizitzan... ;)

Beno, ikusi dezazuen eguneko ordu gehienak pasatzen ditudan liburutegi maite honen argazki bat, hemen behean nauzue, oraintxe bertan eserita nagoen mahaian.

2005-04-26T21:07:00.000-05:00

Jon liburutegian. A ze Dell polita!!!!!! (nire ordenagailuaz maiteminduta nago... ;)

Ziber-Korrika

2005-03-20T00:02:00.000-06:00

Ziber-Korrikaren 54. kilometroa Milwaukeetik pasatzen ari da oraintxe bertan. Beti sentitu izan dut Korrika oso gertu eta aurtengoa bukatzear dagoela, Korrika-ren webgunean erosi dut nire kilometro hau.

Gaur Igandea, goizeko 10:00etan konektatuko naiz Bilbo Irratiarekin Skype bidez, ziber-agur bat bidaltzeko. Besarkada bat korrikalari guztiei. Tipi-tapa tipi-tapa, Korrika!

2005-03-20T00:01:00.000-06:00

Ni, duela bi urteko Korrikan

Adur Letamendia

2005-03-17T17:33:00.000-06:00

Erasmus-ak badu zerbait oso berezia: zu kanpoan zauden bitartean, zure lagun gehienak mundutik sakabanatuta daude baita. Hau irudikatzeko, gaur Adur Letamendia-ren argazki batzuk hemen publikatzea erabaki dut.

Adur nire taldekidea izan da ESTE-ko bost urteko abenturan eta horretaz gain, lagun ona. Ba enbidia emateko, hemen bidal dizkit argazki batzuk. Bera Santa Claran dago ikasten eta argazkietan San Francisco-n surf egiten eta Silicon Valley-n agertzen da.

Por tzierto: San Francisco-ko argazkia Surfer-Ruler-en publikatu berri diote, oso surflari ona baita. Zorionak!

2005-03-17T17:32:00.000-06:00

Adur San Francisco-ko zubiaren azpian

2005-03-17T17:31:00.000-06:00

Adur San Francisco-ko zubiaren azpian surf egiten. Hori bai argazkia inpaktantea!

2005-03-17T17:30:00.000-06:00

Adur Silicon Valley-n. Eta Apple-en sarreran!!!! Gainera Apple-en lan egiten duen lagun batekin joan zen... Ze enbidia!

Spring Break

2005-03-15T02:33:00.000-06:00

Datorren astean hasten da hemen Easter-Holidays edo Spring-Break moduan ezagutzen dena (aste santua). Sprin-Break-a oso ezaguna da Ameriketako unibertsitateetan, gazte guztiak Floridara joaten baitira festa bila. Global Village-etik (ni bizi naizen apartamentutik) ere irtengo da hiru kotxeko espedizio bat, nire pisukide gehienekin batera.

Alkohola eta neskak leit motiv garrantzitsuena diren bidai hau garestitxo irteten zen nire poltsikorako, beraz bidai handiak hurrengorako uztea erabaki dut. Oraingoan, Washington-era joango naiz lagun baten etxera. Beraz ohea dohain izanda, 135 euro ordainduko ditut bakarrik, Internet-en aurkitutako hegaldi merke baten eskaintzari esker.

C-2

2005-03-10T00:02:00.000-06:00

Hau da Coca-cola-ren azkeneko lanzamentua: Zapore berdina baina kalorien erdia.
Zein de Coca-cola light-ekin duen ezberdintasuna? Azken honek ez du batere kaloriarik, baina zaporea ezberdina da.

Nire epaia: zaporea nahiko antzerakoa da, baina halere igartzen da ezberdintasuna...

2005-03-10T00:01:00.001-06:00

Coca-Cola C-2

Chicago

2005-03-09T21:57:00.000-06:00

Astebukaera luze bat pasa berri dut Chicago-n eta esan beharra daukat benetako zirrara sortu didala hiri honek; batez ere arkitekturak. Etxeorratz (skyscrapers) piloa daude eta guztiak oso ezberdinak eta originalak. Argazkietan ez dago gehiegi erakusterik, baina saiatuko naiz nik dauzkadanak baino esanguratsuagoak bilatzen, benetan merezi du eta. Edozein izkinatan aurkitzen duzu eraikin super-erakargarri bat.

Lehenengo sorpresa honen ondoren, beste batzuk gozatu genituen. Adibidez, El-a, Chicago-ko tren goratua (hortik dator izena: El, Elevated) edo Sears Tower-a, munduko bigarren eraikinik altuena, Petrona torreen ondoren.

Por tzierto, El-a tren oso anakroniko bat da: guztiz zaharkitua dago (txispa mordoa ateratzen ditu!) eta sarritan kentzen saiatu diren arren, hor dirau, arrazoi historikoak direla eta.

2005-03-09T21:55:00.000-06:00

Jon, El-a itxaroten

2005-03-09T21:54:00.000-06:00

Parke batetik ateratako argazkia

2005-03-09T21:53:00.000-06:00

Sears Tower-etik ateratako argazkia

From USA with love

2005-03-04T03:12:00.000-06:00

Badirudi heldu dela jadanik hemendik bidali nuen Ameriketako zatitxo bat. Blog honetan bertan aitortu zuen arrebak bere “macaroni and cheese”-ei dien adikzioa, beraz kaxa batzuk erosi eta Durangoko zuzenbidea jarri nien.

Esfortzua aprobetxatuz, hemengo tipikoak diren beste gauza batzuk ere gehitu nizkion: Chezz-it (gaztazko gailetak), Reese’s (chocolatea peanut-butter-ekin), muffins, pancake mix, nuddles, double butter popcorn, Snickers, Butterfingers, Double-Mint, Tsunami relief-en eskukoa, Ritz gailetak, Royal gelatina, Swin-Ear (belarrietako ura kentzeko, igeri egin ondoren), Cheese Dips, Toffins, Lipton pasta (Unilever-ena, arrebak lehen lan egiten zuen enpresa), Peanut-butter cups (kakahueteekin egindako gurina eta txokolatea) eta Donuts-ak.

A! Eta Mirenentzat, nire lehengusina, bi pakete Marshmallow: Ameriketako azukrezko hodei tipiko-tipikoak.

2005-03-04T03:11:00.000-06:00

Atzean ikusten diren kaxa guztiak dira Macaroni and Cheese-ak (pasta normala, baina forma berezi batekin eta gaztazko saltsarekin)

Diegoren urtebetetzea

2005-03-01T03:58:00.000-06:00

Larunbatean, Diegoren urtebetetzea zela eta, nire apartamentuan berarentzat gosari sorpresa bat antolatzea erabaki genuen. Ezagutzen nauzuenok badakizue goizeegi jaikitzeko pertsona ez naizela, beraz igande goizerarte itxaron beharrean, larunbateko gaueko hiru t´erdietan antolatzea erabaki genuen.

Ez zen jende gehiegi apuntatu, baina Anak eta biok gosaria gertatu, eta Borja eta Laura gehitu zitzaizkigun. Amets goxoetan zegoela, Diegori telefonoz deitu arazo larri bat genuela esanez, eta koloredun globoekin egin genion harrera.

Waffle-ak, tostadak, pancake-ak, scrambled eggs, sirup, Philadelphia gazta, mantekila, hirugiharrea, 3 mota ezberdinetako zerealak, laranja zukua, txokolatezko gailetak, esnea eta bagle-ak. Sorpresa ederra.

2005-03-01T03:57:00.000-06:00

Jon eta Diego. Diego gaixoa oso logure zegoen... (Por tzierto, ilea moztu dut)

2005-03-01T03:56:00.001-06:00

Diego, Borja eta Ana.

2005-03-01T03:55:00.000-06:00

Argazkian ez da behar bezala igartzen, baina janari pilo bat egin genuen...

Ama arduratuta daukat

2005-02-27T22:03:00.000-06:00

Blog honen helburua ez da nire bizitzaren islada perfektua izatea, baizik eta hemen aurkitzen edo bizitzen ditudan esperientzia berezienak ezagutaraztea. Baina honek efektu “kolateral” bat sortu du, ikasten ari ote naizen galdetzen hasi bait dira amari....

Azkenengo asteetan horrelako komentario gehiago entzun ditudanez, zurrumurru eta gaiztakeriak isilarazteko, puntu objetibo batzuk argitaratu nahi nituzke hemen:

Izan ditudan notak, nirekin etorri direnenak baino hobeak izan dira orain arte.
Nire nota guztiak, klaseko bataz betekoaren gainetik izan dira orain arte (kontuan edukita %90-95-a amerikarrak direla)
Bost miloi balio duen master baten titulua eman behar didatenez, ez dut uste notarik dohainik emango didatenik (bide batez, gurasoek ez dute diru kopuru hau ordaintzen, Erasmus subentzio eta akordioak direla eta).
Arreba ere egon zen Ameriketan Erasmus-a egiten, eta bere programa objetiboki nirea baino askoz errazagoa zen, nirea masterra bait da. Lan gehiago, irakurgai gehiago eta azterketa gehiago dauzkat. Baina berak lan asko egin zuela pentsatzen du amak (eta egia da lan asko egin zuela) baina nik ordea, ezer egiten ez dudala dirudi... Zergatik? Kexatzen ez naizelako...
Ni horrelakoa naiz eta gauzak positiboan ikustea gustatzen zait, baina nahi baduzue, galdetu Diego edo Pablori, nirekin etorri direnak. Diego beti ari da esaten zelako gogorra den hau eta zelako estresatuta dagoen.
Azken egunotan goizeko bostak aldera egon naiz etxera joaten, gau guztia liburutegian ikasten pasa ondoren.
Nire inguruan bizi direnen eta baita mail-ez ESTE-ko jendearengatik jasotzen ditudan mail-en arabera, jendea bataz-beste 5 aldiz irtetzen da parrandan astero. Erasmus-a horrelako da. Eta bitartean, nire bataz-bestekoa astean behinekoa da soilik.

Beraz larunbata heltzen denean festa batera baldin banoa eta ondo pasatzen badut, utzi dazue blog hontan kontatzen, ama arduratu-arazi gabe, please...

Eta “txapa” guzti honen ondoren, eskerrik asko blog hau support-atzen duzuen guztioi. Badakit gehienok ulertzen duzuela lan ere egiten dudala eta benetan eskertzen dizkizuet zuen dei, mail eta komentarioak.

Besarkada handi bat, bihotz-bihotzez.

Madison

2005-02-22T13:07:00.000-06:00

Madison da Wisconsin-eko kapitala. Milwaukee da estatuko hiri handiena, baina ameriketan, kapital ekonomikoa eta politikoa ezberdintzeko ohitura anglosajoia daukate. Astebukaera hontan bertara joatea erabaki genuen lau lagunek. Beraz kotxe bat alokatu eta arratsaldeko seiretan heldu ginen, ordu betez gidatu ondoren. Objetiboa: neskak lortzea.

Ordu txikietan gertatutakoak ez dira egunsentia heldutakoan kontatzekoak, baina anekdota bezala esan dezakegu lagun batek bikotea izandako bi lesbianekin “ligatzea” lortu zuela. Eta azkenean bietako bat ez zen hasieran zirudien bezain lesbiana...

Nik ezer baino gehiago, barre asko egin nuen. Barre eta barre. A ze nolakoak ikusi nituen... Baina tira ordubi t’erdietarako handik bota ziguten, hemen den legez eta gidariak edan ez zuenez, hotelera joan beharrean, bueltan gidatzea erabaki genuen.

Baina edurrak harrapatu eta buelatzea hiru ordu t’erdi kosta zitzaigun. Goizeko seiretan etxera heldu eta inoiz ahaztuko ez dudan gau hoietako bat izango zela konturatu nintzen.

2005-02-22T13:06:00.000-06:00

Jon Kapitolioan

2005-02-22T12:49:00.000-06:00

Gasolineratan gelditzen ginen noizean behin deskantzatzeko

2005-02-22T12:48:00.000-06:00

Errepidean autotik geneukan ikuspegia

Career Fair

2005-02-18T00:39:00.000-06:00

Gaur “Career Fair” edo “Lan Feria” batetan egon gara. Langileak kontratatu nahi dituzten enpresek stand-ak jartzen dituzte eta azken kurtsoko ikasleak dotore-dotore jantzita doaz lan bila.

Eta lehendik neukan ideia konfirmatu dut: hemen, Espainian baino askoz hobeto antolatzen dituzte horrelako gertakizunak. Sarreran check-in moduko bat zegoen, eta goian enpresa mordoa, stand oso ikusgarriekin (argiztapen propioa eta guzti zuten!!!). Gainera, stand-en mapa bat, informazio liburuxka bat, gailetak, oparitxoak eta denetarik ematen zizkizuten. Pena bat izan da argazki kamara eraman ez izana, baina oso antzekoak diren argazki batzuk aurkitu ditut unibertsitateko web orrian:

2005-02-18T00:38:00.000-06:00

Stand-ak oso ikusgarriak ziren.
Ikasle gehienak trajez zihoazenez, pixkat arraro sentitu gara, normal jantzita gindoazen bakarrak izanda.

2005-02-18T00:37:00.000-06:00

Army-koak ere bazeuden, 3 stand-ekin eta baita FBI-koak ere.

Hamburger Brunch

2005-02-16T01:14:00.000-06:00

Global Village-en festa ezberdinak antolatzen ditugu eta igandean nire txanda heldu zela iruditu zitzaidan. Aurreko gauean jai nahiko salbaje bat antolatu zuten 309 gelako mutilek eta energiak errekuperatzeko, bertan egon ziren guztiei hamburger branch batera gonbidatu nien (branch-a, gosaria eta bazkaria batzen dituen janordu da; oso tipikoa ameriketan igandetan).

Ogia, hamburgesa, gazta, bacon-a, kipula errea, letxuga, tomatea eta ketchup-a. Guztira 24 hamburgesa (dirudiena baino gehiago dira; 2 ordu egon nintzen sukaldatzen!!!!). Edateko, Doctor Pepper, Diet Pepsi, Montain Dew eta Sinkist (Orange). Eta pikatzeko, pretzel eta patata prijitu batzuk.

Jende pilo bat etorri zen eta denek esan zidaten asko gustatu zitzaiela, beraz ni pozik.

2005-02-16T01:13:00.000-06:00

Jon sukaldatzen

2005-02-16T01:12:00.001-06:00

Jon bere kreazioa erakusten

2005-02-16T01:12:00.000-06:00

Laura eta Jon

Breaking News: Madrid Skyscraper Blaze

2005-02-12T23:32:00.000-06:00

(Última hora: Resplandor en Rascacielos de Madrid)
Komunikazioen eran, Milwaukee-n, Donostian edo Arrasaten egonda, ez da ezberdintasun handirik igartzen. Fox agertu zaigu telebistan Madrileko sutea zela eta, eta Internet bidez, irratia zuzenean jarraitu ahal izan dugu, argazkiekin batera. Gainera hemen gaueko 10etan jakin izan dugu, beraz ez da izan hor bezalako ordu txikietan.

Familia eta lagunekin Skype bidez nago konektatuta (audioa) eta gehienek webcam bat daukatenez (bideoa MSN Messenger bidez), bideokonferentziak egiten ditugu ia egunero.

Familiarekin hitzegin (eta ikusi!), osaba irratian entzun (Mikel Irizar) eta berriak Internet bidez ikusita, askoz hobeto eramaten da 4000 kilometrotara egotea.

2005-02-12T23:30:00.000-06:00

Madrid on fire

HealthCare –HMO & PPO-

2005-02-10T01:48:00.000-06:00

Estatu Batuei buruz deigarrien iruditzen zaidan gauzetako bat, seguritate sozialik ez dutela da. Nahiko bildur izan diot beti Osakidetzarik ez duen herri baten bizitzeari, baina orain hemen nagoela, nik uste baino nuena baino eramangarriagoa dela ematen du.

Hemen jende gehienak dauka HMO edo PPO seguru bat. Lehenengoak esan nahi du zure seguruak zein hospitaletara joan behar zaren esaten dizula eta bigarrenak, zuk aukeratu dezakezula. Eta segururik ez daukan jendeak, baditu bere arrazoiak:
Erakunde nazional bat izan ez arren, herri edo county batzutan badituzte klinika publikoak jende guztiarentzat, eta dirudienez, nahiko ondo dabiltza.

Eta hauetaz aparte, badaude fundazio pila bat. Atzo adibidez, kontatzen zidan neska batek berak ez zituela haurdun-ez-geratzeko-pilulak seguruaren bidez erosten, parte bat ordaindu egin beharko lukeelako. Horren ordez, famili plangintzako fundazio batera doa eta bertan dohainik ematen dizkiote. Eta horrelako fundazioek nazio osoan egiten dute lan.

Cellphone

2005-02-09T01:17:00.000-06:00

Ameriketan mobil-en asunto hau Europan baino beranduago hasi zen eta beraz, batzuk pentsa dezaketenaren aurka, Estatu Batuak zentzu honetan atzeratuago dabiltza.

Nik uste bi arrazoi nagusi daudela atzerapen honetarako: 1) Hemen dauden distantzia luzeak, horrek telefonia sistema garestitzen duelarik eta 2) Deia jasotzen duenak, deiaren sobre-kostea ordaintzen duela.

Europan, mobil batera deitzea garestia da. Hemen ordea, telefono fijo batera deitzearen tarifa berdina dauka, baina hori bai, deia jasotzen duenak, dirua ordaindu behar du (25 zentimo inguru minutuko!). Horregatik, beti eskegitzeko desiatzen zaude...

Nik T-Mobile bat erosi dut, Deustche Telekom-en subsidiari bat. Hemen denok daukagu marka hau edo Virgin, merkeenak direlako. Behintzat orain pre-pago moduak saltzen dituzte, ze duela urte batzuk Kanadan lanean egon nintzenean, kontratuzkoak bakarrik saltzen zituzten.

2005-02-09T01:16:00.000-06:00

Global Village-en bizi garen gehienok mobil berdina daukagu, beraz askotan konfunditzen ditugu mahai gainean uzterakoan!

Super Bowl

2005-02-07T16:04:00.000-06:00

Atzo munduko telebistako ikuskizunik jarraituena zuzenean ikusteko aukera izan nuen: New England-eko Patriots-ak, Philadelphiako Eagles-en kontra. 39garren Super Bowl hau nahiko interesgarria izan zen, baina onena iragarkiak izan ziren.

80.000 dolar segunduko kostata, munduko irakargi garestienak dira. Eta esan beharra daukat ez nuela batere espero bertan ikusi nuena: irakarki “kutre” asko zeuden, atentzioa deitzen zutenak eta egia esan, nahiko engantxatzen zuten.

Gomendatzen dizuet hango anunzio batzuk ikustea hurrengo web orrian: http://sports.channel.aol.com/nfl/superbowlads

Niretzat onena Anheuser-Busch-en iragarki bat izan zen. Garagardo konpainia bat da (beste batzuen artean Budweiser-en jabea) eta iragarkia Armadari eskerrak emateko zen, Irak-en egiten ari diren esfortzuagatik. Oso emotiboa.

Ni EEBB-en politika belikoaren guztiz kontrakoa naizela esan beharrik ez dagoela suposatzen dut, eta ezta imaginetan agertzen diren soldaduak ez direla benetazkoak, ze benezkoek ez dauzkate 20 urte baino gehiago. Baina, Amerikarrek beti jakin izan dute propaganda militar oso ona egiten...

Link zuzena irargia ikusteko:
http://www.herosalute.com/states/big_game_ad_WMhi.html
(ikusterakoan, pentsa Super Bowl-a ikusten ari zarela, guztiz alteratuta, eta bapatean horrelako iragarki bat ikuste duzula, transmititzen duen “lasaitasun”-arekin)

2005-02-07T16:00:00.000-06:00

Nire ranking propioan, bigarren iragarki onena izan zen hau. "Etzazu azkarregi epaitu"

Love is all around

2005-02-03T02:07:00.000-06:00

Love Actually pelikula esaldi eta abesti honekin hasten da: “Love is all around”, (maitasuna gure inguru guztian dabil).

Guztiz ados nago. Gaur, afaltzen ari ginen bitartean, amodioari buruzko azterketa sakon bat egiten aritu gara, eta etxera bueltatu naizenean, duela 2 minutu, ezin izan naiz sartu nire pisukide batek atea giltzaz itxi duelako. Neska baten inguruan aritu da asteotan, eta antza denez, lortu du zehozer...

Beste pisu-kide bat ere neskarekin dago lehenengoak utzitako gela hutsean. Hirugarrenari gaur ez zitzaion tokatzen, baina goxo-goxo egon da afalorduan neskalagunarekin. ;)

Ni naiz hemen denbora gutxien daroana, beraz itxaron beharko... Dena-den, master-eko ikaslea izanda, besteek baino lan gehiago daukat, beraz beharbada ez dut horrelakoetarako astirik izango... ;)

Gaixorik nago (gripe moduko bat)

2005-02-01T13:42:00.000-06:00

Igandean eskiatzera juan ginen eta atzo gaixorik iratzartu nintzen... Eskiatzera juan baino lehen zehozer igarri nuen, baina atzo goizean etorri zen konfirmazioa.
Dibertigarriena farmaziara joatea izan da. Hemen farmazia handi bat dugu: Wallgreens. Hemen farmaziak Eroski moduak dira eta janaria, eskolako gauzak, txanpuak eta denetarik saltzen dute. Medizinak ere self-service sisteman daude.

Paracetamol-a hemen Tylenol bezala ezagutzen dute eta oso famatua da, aspirinak behin arazoren bat izan zuenetik duela urte batzuk, jende intoxikatua dela eta. Ba argazkian ikusten duzuen bezala, denetik daukat: egunerako cocktail batzuk, acetaminophen-a barne (Tylenol) eta gauerako beste bat, logurea ematen duena. Expetorante bat ere badaukat, Mukosan-en antzerakoa, baina hemen errezeta gabe erosi daitekeena.

Hori bai, medizina guztiak Walgreens markakoak erosi ditut, merkeagoak, eta kaxan bertan, esaten dizu: “hau, Tylenol Cold bezalakoa da”, edo “Vicks Non-Drowsy DayQuil LiquiCaps-en ingrediente aktibo berdinak dauzka”. Eta originala eta marka zuriduna bat bestearen ondoan jartzen dizkizute.

2005-02-01T13:41:00.000-06:00

Expektorantea, coctail-a eta aspirinak

Macaroni and Cheese (with Tuna!)

2005-01-30T00:44:00.000-06:00

Normalean ez dut bakarrik bazkaltzen, baina gaur larunbata izanda, klaseak izan ditut goizeko 8etan, eta 11ak aldera, amerikarren orduan bazkaltzea erabaki dut.
Wallmart-en erositako Macaroni and Cheese (makarroiak eta gazta) jatea erabaki dut, kasu honetan atunarekin nahastu beharreko saltsa batekin.

Macaroni and Cheese-a plater tipiko-tipikoa da hemen. Hona hemen sukaldatzeko errezeta grafikoa:

2005-01-30T00:35:00.001-06:00

Esnea, ura, pasta, margarina eta hautzak nahatu behar dira lehenengo

2005-01-30T00:34:00.001-06:00

Macaroni-ak "Great Value" dira, Wallmat-eko marka zurien arteko merkeena.